अर्घाखॉचीमा समानुपातीक तर्फको गणना सम्पन्न

सन्धिखर्क, अर्घाखॉची  । अर्घाखॉचीमा सविधान सभाको निर्वाचनको समानुपातिक मतगणना सम्पन्न भएको छ । दुई दिन सम्म चलेको मतगणना सोमवार सकिएको हो । 

गणना अनुसार क्षेत्र नम्वर १ मा ३९ हजार ३ सय १० मत खसेकोमा ९ सय ७० मत बदर भएको निर्वाचन अधिकृत विष्णु गौतमले जानाकारी दिए । यस्तै क्षेत्र नम्वर २ मा ४२ हजार ९ सय ३८ मत खसेकोमा १ हजार ९० मत बदर भएको जनाईएको छ । 

दुवै क्षेत्रमा गरि कुल नेकपा एमाले २५ हजार ३ सय ५३,नेपाली काग्रेसले २४ हजार ४ सय ७२,एमाओवादीले १६ हजार ६ सय ९८ र राजमोले ६ हजार ३८ मत प्राप्त गरेकाछन् । प्रत्यक्ष तर्फ क्षेत्र नम्वर १ मा एमाओवादीका टोप बहादुर रायमाझी र क्षेत्र नम्वर २ मा एमालेका डाक्टर दुमन सिंह थापा विजय भएका छन् ।