बाबु रोका मगर “अपरिचित”
असुरकोट-९,जोगिटारी, अर्घाखाँची [हाल नयाँ दिल्ली भारत ]
मेरा साथीभाई किन जान्छौ जापान,कोरिया,साउदी,दुवई
देशै रित्तिएला जस्तो हुन लाग्यो पस्न थाल्यौ प्रदेश सबै |
कोही साथीभाई ५५ डिग्रि को गर्मी मा कोही ० डिग्री को सर्दी मा
कोही चौकीदार को रुपमा कोही इन्डियन आर्मी ब्रिटिश आर्मी को बर्दी मा |
छैन कि क्या हो गरी खाने हाम्रो देश नेपाली धर्ती मा
पल्लाघरे साइलो र कान्छो पनि थापिने रे आर्मी को भर्ती मा |
कयौ साथीभाई खाडी मुलुक पसे धन कमाउने आस मा
सोचे जस्तो कहाँ हुन्थ्यो र कठै फर्किनु पर्यो काठ को बाकस मा |
मुर्छा पर्दै पछारिन्छिन हाम्री चेली क्षेतबिच्छेद लास मा
जिन्दगी नै समाप्त गरी दिन्छन धन कमाउने झुठो आस मा |
बिन्ती गर्छु मेरा प्रिय साथीभाई नजाउ तिमी छोडेर आफ्नो जन्मभूमी लाई
तिमी जस्ता युग पुरुष प्रदेश पसे कस्ले गर्छ यो देश को भलाई? यो देश को भलाई…….?
मंसिर १६ गते, २०७० मा प्रकाशित
