अर्जुन भुसाल
ढाकावाङ्ग, अर्घाखाँची । एकिकृत नेकपा माओवादीका क्षेत्र नं. १ का विजयी उम्मेदवार टोपबहादुर रायमाझी ढाकावाङ्ग गाविसका मतदाताहरुलाई धन्यवाद दिएर सदरमुकाम फर्किएका थिए । कांग्रेसका पराजित उम्मेदवार डा रामबहादुर विसी पनि अर्घा र बाँगी गाविसका मतदाताहरु सँग भेटघाट गरेर सन्धिखर्क फर्किएका थिए, उनीहरुको सदरमुकाम सन्धिखर्कको चुत्राबेशीमा एक्कासी भेटघाट भयो । विजयी उम्मेदवार रायमाझीलाई देख्न वित्तिकै कांग्रेसका पराजित उम्मेदवार डा विसीले बधाई दिए र टिका पनि लगाइदिए । चुनावमा पराजित भएपछि पहिलो पटक रायमाझीलाई भेटेका विसीले आफुले चुनाव हारे पनि सहर्ष हार स्वीकारेको बताए ।
पौष ३ गते, २०७० मा प्रकाशित
