नेपाली कांग्रेसको केन्द्रीय समिति बैठक शुक्रबार पनि विहान ११ बजे बस्दैछ ।पार्टी कार्यालय सानेपामा बस्ने बैठकमा पछिल्लो राजनीतिक अवस्था, समानुपातिक सभासद् चयन र पार्टीका आन्तरिक विवादबारे छलफल हुनेछ ।
विहीबार बोल्ने धेरै केन्द्रीय सदस्यले समानुपातिक सभासद् चयन गर्दा पहिले नपरेकालाई अवसर दिन सुझाब दिएका छन् । सभासद् चयनको विषयमा काँग्रेसमा विवाद बढेको छ ।
शीर्षनेताहरुले गर्ने निर्णयका बारेमा समेत बैठकमा आलोचना भएको छ । त्यस्तै कांग्रेस बैठकमा सरकार गठन र संविधान निर्माण प्रकृयाको विषयमा पनि छलफल हुने कांग्रेसले जनाएको छ ।
पौष ५ गते, २०७० मा प्रकाशित
