साउदी अरबको धार्मिक शहर मदिनास्थित एक होटेलमा आगलागी हुँदा १५ जनाको मृत्यु भएको छ । मृत्यु हुने सबै मुश्लिम समुदायका तीर्थयात्री हुन् ।
मदिना मुश्लिमहरुको पवित्र शहर मानिन्छ । तीर्थयात्रामा पुगेका अरु एक सय ३० जना घाइते भएका छन् ।
आगलागीलगत्तै होटेलमा रहेका सात सयभन्दा बढी अतिथिलाई उद्धारकर्ताले होटेलबाट बाहिर निकालेका थिए । विद्युत सर्किट गडबढीका कारण आगलागी भएको अनुमान गरिएको छ । जलेर मृत्यु हुने सबै सिरियन नागरिक रहेको बताइएको छ । AGENCIES
माघ २६ गते, २०७० मा प्रकाशित
