काठमाडौ, फाल्गुन २४ – दिल्लीबाट काठमाडौं आएको इन्डिगो एयरलाइन्सको विमानमा आकस्मिक आगलागी भएको छ । विमानमा सवार सबै १ सय ७४ जना यात्रु सकुशल छन् । त्रिभुवन अन्तर्राष्ट्रिय विमानस्थलमा अवतरण गरेर यात्रु ओराल्नका लागि वे न. ५ तर्फ जाने क्रममा विमानको पछाडिपट्टिको दाहिने चक्कामा आगलागी भएको हो ।
त्रिभुवन विमानस्थलका महाप्रबन्धक ऋषिकेश शर्माले सबै यात्रुहरु सकुशल रहको र तत्कालै आगो नियन्त्रणमा लिन सफल भएको बताए । अपरान्ह १२ बजेर ३५ मिनेटमा विमानमा भएको उक्त आगलागी विमानस्थलकै वारुण यन्त्रको प्रयोगबाट नियन्त्रणमा आएको विमानस्थल सुरक्षा स्रोतले जनाएको छ ।
EKANTIPUR
प्रकाशित मिति: २०७० फाल्गुन २४
फाल्गुन २४ गते, २०७० मा प्रकाशित
