गोरखा, फाल्गुन २८ । गोरखाको स्वाँरा गाउँ विकास समिति वडा नम्बर ६ माझथरमा मंगलबार साँझ बम बिस्फोट हुँदा दुई बालक घाइते भएका छन् । बिस्फोटमापरि स्वाँरा-६ का १२ वर्षीय सचिन बराम र ११ वर्षीय ज्ञानबहादुर बराम घाइते भएका हुन् ।
घाइते मध्ये सचिनको अवस्था गम्भीर रहेको प्रहरीले जनाएको छ । घाइते दुबैको गोरखा अस्पतालमा उपचार भइरहेको छ । स्कुल नजिकैको झाडीमा बेवारिसे अवस्थामा रहेको ग्रिनेट बम बालकले खेलाइरहेको अवस्थामा बिस्फोट भएको प्रहरीले जनाएको छ ।
द्धन्द्धकालमा बेवारिसे अवस्थामा झाडीमा छाडिएको बम पड्किएको हुनसक्ने प्रहरीको अनुमान छ । Imagechannels
फाल्गुन २८ गते, २०७० मा प्रकाशित
