अर्घाखाँचीमा एसएलसी तयारी पुरा, ४ हजार ९ सय ३ सहभागी

सन्धिखर्क, अर्घाखाँची चैत्र ५  । विहिवार देखी सुरु हुने एसएलसी परिक्षाको तयारी अर्घाखाँची पुरा भएको जनाईएको छ । बुधवार जिल्ला शिक्षा कार्यालय अर्घाखाँचीले गरेको पत्रकार सम्मेलनमा सम्पुर्ण तयारी पुरा भएको जिल्ला शिक्षा अधिकारी मित्रमणी खनालले जानाकारी दिए । 

परिक्षामा नियमित तर्फ छात्र १ हजार ४ सय ६२,छात्रा १ हजार ६ सय ९१,एक्जेम्मटेड तर्फ छात्र ६ सय १४,छात्रा १ हजार २ सय ३६ गरि कुल ४ हजार ९ सय ३ सहभागी सहायक जिल्ला शिक्षा अधिकारी नरेन्द्र बेल्वासेले बताए । 

परिक्षालाई मयार्दित बनाउन आंचार सहिता निर्माण भएको भन्दै सोही अनुसार काम गर्न सबैलाई अधिकृत जमुना चुदाली,नारायण पोखेरलले निर्देशन दिएका थिए ।