राजविराज, चैत्र १७ । सप्तरीको तिलाछि गाउँ विकास समिति वडा नम्बर ४ र ७ मा भीषण आगलागी हुँदा ३० घर जलेर नष्ट भएको छ । वडा नम्बर ४ निवासी बौकु सुतीहारको घरबाट आगो सल्किँदा अरु घर पनि आगलागीमा परेको हो ।
आगलागीबाट करिब एक करोड बराबरको धनमाल जलेर नष्ट भएको प्रहरीले जनाएको छ ।
चार घण्टापछि सेना, प्रहरी, स्थानीयबासी र राजविराज नगरपालिकाको एउटा बारुण यन्त्रको सहयोगमा आगलागी नियन्त्रणमा लिइएको थियो । – IMAGEKHABAR
चैत्र १७ गते, २०७० मा प्रकाशित
