वैशाख ३ । दक्षिण कोरियाको दक्षिण पश्चिमी समुन्द्री क्षेत्रमा ४ सय ७६ जना यात्रु लिएर गइरहेको पानीजहाज डुब्दा कम्तिमा एक सय जना जहाजमा फसिरहेका छन् ।
कम्तिमा दुई जनाको मृत्यु भएको छ भने पानीजहाजबाट तीन सय ६८ जनालाई उद्दार गरिसकिएको दक्षिण कोरियाली अधिकारीहरुले जनाएका छन् ।
जहाजमा धेरैजसो इन्छनबाट दक्षिणी जेजु टापुतर्फ गइरहेका स्कूले विद्यार्थीहरु रहेको बताइएको छ । उद्दारमा विभिन्न जहाज , हेलिकप्टर , तटिय सुरक्षागार्डहरु सक्रिय रहेको त्यहाँका अधिकारीहरुले जनाएका छन् ।
जहाजमा ४ सय ५२ जना यात्रु र २४ चालक दलका सदस्य रहेको बताइएको छ । दुर्घटनाको कारण पत्ता लागिनसकेको छैन ।
– एजेन्सी
बैशाख ३ गते, २०७१ मा प्रकाशित
