गर्मी बढेसँगै पूर्वी तराईमा हेपाटाइटिस ‘इ’ को प्रकोप, सयौं मानिस प्रभावित

गर्मी बढेसँगै पूर्वी नेपालमा सफा पानी र स्वास्थ खानेकुराको कमीले देखा पर्ने विभिन्न रोगको प्रकोप देखा परेपछि सावधानी अपनाउन चिकित्सकहरुले सुझाव दिएका छन्।

केही दिनदेखि विराटनगरमा फैलिएको हेपाटाइटिस ‘इ’ रोगका कारण सयौं मानिस प्रभावित भएपछि अधिकारीहरुले रोकथामको प्रयासलाई तिव्रता दिएका छन्।

अस्पतालमा विरामीहरुको घुँइचो लागेपछि उपचार बाहेक चिकित्सकहरु थपिएको र सरसफाइबारेको सचेतना अभियान अघि बढाइएको जनाइएको छ।

 

विराटनगरस्थित कोशी अञ्चल अस्पतालमा उपचारमा आउने विरामी मध्ये दैनिक ५० जना भन्दा बढीमा हेपाटाइटिस ‘इ’ रोगको संक्रमण भेटिएको चिकित्सकहरुले बताएका छन ।