काठमाडौं, वैशाख २६ – प्रधानमन्त्री सुशील कोइरालाका सुरक्षागार्डमाथि हातपात गर्ने एक महिला पक्राउ परेकी छन् ।
प्रधानमन्त्री निवास वालुवाटारमा कोइरालालाई भेट गर्न गएकी बर्दियाकी ४० वर्षीय आरती कार्कीलाई प्रहरीले पक्राउ गरेको हो । उनले प्रधानमन्त्री निवास वालुवाटरमा सुरक्षार्थ खटिएका सेनाका सुवेदार भीमबहादुर थापालाई हातपात गरेको प्रहरीले जनाएको छ ।
महानगरीय प्रहरी वृत्त कमलपोखरीबाट गएको प्रहरी टोलीले ती महिलालाई नियन्त्रणमा लिएको प्रहरी समाचार कक्षले जनाएको छ ।
EKANTIPUR
प्रकाशित मिति: २०७१ वैशाख २६
बैशाख २६ गते, २०७१ मा प्रकाशित
