बैशाख २९ गते, २०७१ मा प्रकाशितगोलबजार (सिरहा), वैशाख २९ – सिरहाको धनगढी-१ छपराडीका अहेव वीरेन्द्रकुमार महतोलाई गएराति अज्ञात समूहले अपहरण गरेका छन्।
घरमै रहेको पोलिक्लिनिकबाट तीन/चारजना अपरिचित व्यक्तिले अपहरण गरी लगेको पीडित परिवारले जनाएको छ।
अपहरणमा परेको भनेर खबर गरेपछि इलाका प्रहरी कार्यालय लहान, इलाका प्रहरी कार्यालय धनगढी र जिल्ला प्रहरी कार्यालय सिरहाको गस्ती टोली घटनास्थल पुगेर रातभर खोजे पनि फेला पर्न सकेका छैन।
इलाका प्रहरी कार्यालय लहानका प्रहरी निरीक्षक सन्तोष निरौलाले रातभर खोजी कार्य गरे पनि अहिले पनि भेटाउन नसकिएको बताए।
उनले भने,’घरबाट सम्पर्कविहीन भएको केहीबेरमा घरमा फोन गरेर आधा घण्टामा आउँछु भनेर अहेब महतोले भनेका थिए। तर आधा घण्टामा घर पुगेनन् र हामीलाई खबर गरेपछि खोजी कार्य जारी राखेका छौँ।’ रासस
अन्य समाचारहरु
