अपडेट: भारतीय जनता पार्टी (भाजपा)ले एक्लैको बहुमत पुग्ने संकेत

भारतीय लोकसभा चुनावी नतिजा

गठबन्धन/पार्टी	अग्रता	विजयी	अघिल्लो नतिजा
बिजेपी गठबन्धन	२४९	८४
बिजेपी एक्लै	१९४	८३	२०६
कांग्रेस आइ गठबन्धन	६६	५
कांग्रेस एक्लै	५२	३	११६
एआइडिएमके(जय ललिता)	३५	०
त्रिमुनल कंग्रेस(ममता बेनर्जी)	३०	३
आरजेडी(लालु यादव)	५	०
एसपी(मुलायम सिंह)	६	०
बीएसपी	१	०
आप(केजरीवाल)	३	२
अन्य	१२४	१२	२००
जम्मा

 भारतमा हालैसम्पन्न लोकसभा निर्वाचनको मतगणना भैरहेको छ । आज साँझसम्ममा सबै क्षेत्रको परिणाम आइसक्ने अनुमान गरिएको छ । 

सत्तारुढ कांग्रेस आई भने इतिहासमै अहिलेसम्म प्राप्त नतिजाभन्दा निकै पछि पर्ने देखिँदैछ । धेरै स्थानमा कांग्रेसका हस्तीहरु हार ब्यहोरिरहेका छन् । भाजपा गठबन्धनले तीन सयभन्दा बढी सीट ल्याउने अनुमान गरिँदैछ । भाजपा एक्लैले बहुमतका लागि चाहिने २ सय ७२ सीट ल्याउने अनुमान गरिँदैछ । –

भारतीय जनता पार्टीबाट प्रधानमन्त्री पदका प्रत्यासी बनाइएका लोकसभा निर्वाचन-२०१४ का मुख्य आकर्षण नरेन्द्र मोदीले गुजरातको बडोदरा क्षेत्रबाट चुनाव जितेका छन् ।

मोदीले कांग्रेसका मधुसन मिस्त्रीलाई ४ लाख मतान्तरले हराएका छन् । मोदी उत्तर प्रदेशको बारणसीमा पनि ४० हजार मतले अगाडी छन् । यस्तै, बिजेपी दलबाट उत्तर प्रदेशकै सुल्तानपुरमा बरुण गान्धी र दिल्लीको चाँदनीचोकबाट डा. हर्षबर्धनले बिजय हात पारेका छन् । कांग्रेसका बरिष्ठ मन्त्री कपिल सिवलले चाँदनीचोकमा हार बेहोर्नुपरेको हो ।

राजधानी दिल्लीका सात वटै निर्वाचन र हिमान्चल, गुजरात तथा राजस्थानका सबै क्षेत्रमा भारतीय जनता पार्टीको अग्रता देखिएको छ । यसअघि बिहार, उत्तर प्रदेशमा रहेको क्षेत्रीय पार्टीहरुको अस्तित्व र प्रभाव पनि यो चुनावमा गौण देखिएको छ । बिहारमा राष्ट्रिय जनता दलकी रावडीदेवी यादव (श्रीमती लालुप्रसाद)को पनि हार निश्चित भएको छ भने बिहार मुख्य मन्त्री नितिश कुमारको जनता दल युनाइटेडको नतिजा स्थिती पनि निकै पछि परेको छ ।

यसैबीच, भारतीय जनता दलको ऐतिहासिक बिजय भएकोमा दलका अध्यक्ष राजनाथ सिंह र बरिष्ठ नेता लालकृष्ण आडवाणीले प्रधानमन्त्री प्रत्यासी नेता नरेन्द्र मोदीलाई फोन गरेर बधाइ दिएका छन् ।

दश वर्ष लगातार देशमा शासन गरेको कांग्रेसलाई बढ्दो भ्रष्टाचार, महँगी, बेरोजगार जस्ता मुद्दाले पछि पारेको देखिएको छ । ५ सय ४३ सीट रहेको भारतीय लोकसभामा बहुमत पु-याउन २ सय ७२ सीट जरुरी हुन्छ । भारतमा गत ७ अप्रिलदेखि १२ मेसम्म नौ चरणमा निर्वाचन सम्पन्न भएको थियो । 

– Agencies