हेटौंडा, जेष्ठ ११ । मकवानपुरमा २ थान अबैध कटुवा पेस्तोल र त्यसमा लाग्ने चार थान गोली सहित प्रहरीले दुई जनालाई पक्राउ गरेको छ । पक्राउपर्नेमा धादिङ्गको किरान चोक गाविस वडा नम्बर ५ का १९ बर्षिय राजेन्द्र नगरकोटी र सोही ठाउंका १८ बर्षिय दिपक गोले रहेका छन् ।
प्रहरीले उनीहरु दुवै जनालाई मकवानपुरको दामनस्थित दम्कीबाट नियन्त्रणमा लिएको हो ।
बिशेष सुचनाको आधारमा चेकजाँच गर्ने क्र्रममा उनीहरुको साथबाट बन्दुक फेला परेको हेटौंंडाका प्रहरी नायब उपरीक्षक दिपक थापाले जानकारी दिए । प्रहरी नियन्त्रणमा रहेका दुवै जनामाथि अनुसन्धान भईरहेको प्रहरीले जनाएको छ । NAGARIKNEWS
जेष्ठ ११ गते, २०७१ मा प्रकाशित
