सिन्धुली, आषाढ १ । काठमाडौबाट सिन्धुलीको चकमकेतर्फ जाँदै गरेको रात्रीबस सिन्धुलीको कमलामाई-१० करकरेमा दुर्घटना हुदा ६ जनाको घटनास्थलमा नै मृत्यु भएको छ भने ३२ जना घाईते भएका छन् ।
बा २ ख ६६०६ नम्बरको बस बिहान ५ बजे दुर्घटना हुदा बसका चालक सिन्धुली आम्बोटे ९ का उत्तम पुलामी, आम्बोटे ६ का चित्र पुलामी, सिन्धुली लाम्पान्टारका शुभमाया लामा, कमलामाई ७ की जमुना कार्की र मकवानपुरका रामेश्वर अधिकारीको मृत्यु भएको जिल्ला प्रहरी कार्यालय सिन्धुलीले जनाएको छ ।
एकजनाकोे भने सनाखत हुन बाँकी छ । घाईते मध्ये १८ जनालाई थप उपचारका लागि काठमाण्डौ, ६ जनालाई बर्दिबास पठाईएको छ भने अन्यको जिल्ला अस्पताल सिन्धुलीमा उपचार भईरहेको छ । वस तीब्र गतिका कारण अनियन्त्रित भई दुर्घटना भएको हुनसक्ने प्रहरीले जनाएको छ । दुर्घटना हुने बित्तिकै हावाहुरी र पानी परेकाले उद्धार कार्यमा समस्या भएको थियो । IMAGEKHABAR
आषाढ़ १ गते, २०७१ मा प्रकाशित
