काठमाडौं, श्रावण ४ । नेपाल विद्यार्थी संघ समर्थित विद्यार्थीले अनेरास्ववियू समर्थक विद्यार्थीलाई खुकुरी हानेपछि काठमाडौं घण्टाघर स्थित त्रिचन्द्र बहुमुखि क्याम्पस तनावग्रस्त भएको छ ।
खुकुरी प्रहार पछि आक्रोशित अनेरास्ववियू समर्थक विद्यार्थीहरुले क्याम्पसको पुस्तकालयमा आगो लगाएका छन् । पुस्तकालय पूर्णरुपमा जलेको त्यहाँ स्थित हाम्रा सहकर्मी गृष्मा राजभण्डारीले जनाएकी छिन् ।
विद्यार्थीहरुले आगो निभाउन आएको दमकललाई समेत केहीबेर रोकेका थिए । तर सुरक्षाकर्मीको सहयोगमा अहिले दमकल मार्फत आगो निभाउने काम भइरहेको छ । खुकुरी प्रहारबाट घाईतेहरुलाई मोडल अस्पताल लगिएको छ ।
यद्यपी कतिजना घाइते भए र उनीहरुको स्थिति के छ भन्ने अहिलेसम्म थाहा हुन सकेको छैन् । भिडियोसहितको विस्तृत समाचारका लागि प्रतिक्षा गर्नुहोला । IMAGEKHABAR
श्रावण ४ गते, २०७१ मा प्रकाशित
