कोमल भट्ट
पुरानो नैकाप, काठमाडौँ
सकेसम्म चाँडै,म फिर्नेछु आमा
छ भारा दुदैको,म तिर्नेछु आमा
सँगालेर मायाँ,बसेको म हुन्छु
भुले काख तिम्रो,म गिर्नेछु आमा
घुमी राख्छ तिम्रो,प्रभा देह भित्र
परे देखि छाती,म चिर्नेछु आमा
दुखायो मनै त्यो,रुवाएर जस्ले
बनी शत्रु तेस्को,म पिर्नेछु आमा
फ़ुलायौ,फ़लायौ,हटायौ अँधेरो
घरै भित्र आफ्नो,म छिर्नेछु आमा
(भुजङ्गप्रयात छन्द )
श्रावण १५ गते, २०७१ मा प्रकाशित
