दोलखाको जिरीमा पहिरो जाँदा ३ जनाको मृत्यु

दोलखा, श्रावण २४ । दोलखाको जिरी गाउँ विकास समिति वडा नम्बर ७ लिङकन बजार नजिकै गएराति पहिरो जाँदा ३ जनाको मृत्यु भएको छ भने एक जना बेपत्ता भएका छन् ।

मृत्यु हुनेमा ३७ वर्षीय पेमदोमा तामाङ , १२ वर्षीया बालिका सुस्मा जिरेल र ५ वर्षीय बालक सुजल जिरेल रहेका छन् । पहिरोमा परी फुरलमु तामाङ भने बेपत्ता भएका छन् ।

पहिरोमा परी अन्य ८ जना घाइते भएका छन् । घाइते सबैको जिरिस्थित जिल्ला अस्पतालमा उपचार भइरहेको छ ।

गएराति साढे १२ बजेतिर वर्षासँगै घर माथिबाट आएको पहिरोले ५ ओटा घर बगाएको थियो । IMAGEKHABAR