मेची र कोशी अञ्चलमा यातायात ठप्प

धनकुटा, श्रावण २५ । यातायात ब्यवसायी संघको लगातार बन्दको कारण पूर्वमा आजपनि यातायातका साधन चल्न सकेका छैनन् । मेची, संयुक्त तथा उज्यालो यातायात ब्यवसायी संघको बिवाद नमिल्दा पाँच दिनदेखि मेची र कोशी अञ्चलमा यातायातका साधन चल्न नसकेका हुन् ।

बन्दका कारण मेची र कोशी राजमार्ग तथा आसपासका सहायक मार्ग ठप्प बनेका छन् । लगातार बन्द हुन थालेपछि लामो तथा छोटो दूरीका यात्रु हिडेरै यात्रा गर्न बाध्य भएका छन् ।

उज्यालो यातायातले छुट्टै संघ दर्ता गरि गाडी चलाउन खोजेपछि त्यसको बिरोधमा अरु संघले बिरोध गरेका हुन् । यता पुर्वाञ्चलका निमित्त क्षेत्रीय प्रशासक दिपक काफ्ले बन्द खुलाउन आफुहरुले निरन्तर प्रयास गरेपनि सफल हुन नसकेको जानकारी दिए । IMAGEKHABAR