प्रेमनारायण आचार्य
सन्धिखर्क, अर्घाखाँची २७ साउन । अर्घाखाँचीको सन्धिखर्कमा सञ्चालन भएको खुल्ला ब्याडमिन्टन प्रतियोगीताको उपाधी अर्घाखाँची युबा परिषदले जितेको छ । प्रतियोगीतामा जिल्ला भरका १८ टिमका ३६ जना खेलाडीको सहभागिता रहेको थियो ।
युबा दिबसको अबसरमा जिबिस अर्घाखाँची र जिल्ला युबा सञ्जाल अर्घाखाँचीको आयोजनामासञ्चालन गरिएको प्रतियोगीतामा जिल्ला भरका १८ टिमले भाग लिएकोमा अर्घाखाँची युबा परिसदका अशोक भुसाल र ज्ञानेन्द्र घिमिरेको समुह प्रथम, उद्योग बाणिज्य संघका ठाकुर श्रेष्ठ र सादन ओलीको समुह द्धितीय , होटल ब्यबसायी संघका सतिस मरासिनी र मोहन सिंह ठकुरीको समुह तृतीय भएका छन ।
प्रतियोगीतामा सामुदायीक ब्याडमिन्टन हलका भोजबहादुर गन्धर्ब र नारायण खड्काको समुह सान्त्वना भएका छन । उत्कृष्ट खेलाडीको उपाधी अशोक भुसाल र अनुशासित खेलाडीको उपाधी बिष्णु खनालले पाएका छन ।
प्रतियोगीतामा सबै बिजेताहरुलाइ आज एक कार्यक्रमका बिच पुरस्कार बितरण गरिएको छ । समापन समारोह युबा सञ्जालका जिल्ला उपाध्यक्ष मनिस सिंहको अध्यक्षता,स्थानीय बिकास अधिकारी हेमराज भुसालको प्रमुख आतीथ्यता र शेसकान्त घिमिरे ओसनको सञ्चालनमा सम्पन्न भएको हो ।
श्रावण २७ गते, २०७१ मा प्रकाशित
