सिद्धेश्वर शिबालय मन्दिर चुत्राबेसी र फुदबांगमा तीज गित र राधाकृष्ण महिला समुह प्रथम

अर्घाखाँची ७ भदौ । फुलबारी रिसोर्ट फुदबांगको आयोजनामा जिल्ला स्तरीय तीज गित प्रंतीयोगीता सम्पन्न भएको छ । जिल्ला भरका ७ समुहले भाग लिएको प्रतियोगीतामा राधाकृष्ण महिला समुह फुदबांग प्रथम, प्रगती पुञ्ज महिला समुह भालुखोला द्धितीय र सृजनसिल आमा समुह खाँचीकोट तृतीय भएका छन । 

फुलबारी रिर्सोटका ब्यबस्थापक सिद्धिप्रसाद भटराइको अध्यक्षता, नेपाली काग्रेसका जिल्ला सचिब अधिबक्ता बासुदेब आचार्यको प्रमुख आतीथ्यता र कलाकार रामकुमार बिस्टको सञ्चालनमा कार्यक्रम सम्पन्न भएको थियो । 

कार्यक्रममा कार्यक्रमका प्रमुख अतिथि बासुदेब आचार्य र सभापति सिद्धिप्रसाद भटराइले पुरस्कार बितरण गर्नु भएको थियो । प्रतियोगीतामा प्रथम हुने समुहले ५ हजार , द्धितीय हुने समुहले ३ हजार र तृतीय हुने समुहले २ हजार नगद तथा प्रमाण पत्र प्राप्त गरेका छन । तीज गित हेर्नकालागि हजारौ मानिसहरु फुलबारी रिर्सोट पुगेका थिए । 

यसै गरि सिद्धेश्वर शिबालय मन्दिर चुत्राबेसी भक्तिटोलाको आयोजनामा  तिजको दर खाने कार्यक्रम तथा तीज गित कार्यक्रम सम्पन्न भएको छ । सबै महिला दिदिबहिनीहरुलाइ जम्मा गरि सामुहिक दर खुबाइ तीज गित गाएर  तथा नाचेर सस्कृति र परम्परा बचाउनका लागि कार्यक्रमको आयोजना गरेको सिद्धेश्वर शिबालय मन्दिर भक्तिटोलाले बताएको छ ।