नवलपरासी, कार्तिक २२ । नवलपरासीको दाउन्नेमा मिनिबस र ट्रक ठोक्किएर भएको दुर्घटनामा दुईजनाको मृत्यु भएको छ । दुर्घटनामा २५ जना बढी घाइते भएका छन् ।
घाइतेहरु मध्ये १० जनाको अवस्था गम्भीर रहेको प्रहरीले जनाएको छ । बुटवलबाट पोखरा जाँदै गरेको यात्रुबाहक बस र विपरित दिशाबाट आएको ट्रक दाउन्नेको एस मोडस्थित ओरालोमा ठोक्किएर दुर्घटना भएको जनाइएको छ ।
दुर्घटनामा मृत्यु हुनेमा बसका चालक कास्की हेम्जाका बद्री विक्रम र रुपन्देही सिक्टहनकी उषा बढई रहेको प्रहरीले जनाएको छ ।
दुर्घटनामा गम्भीर घाइते भएकाहरुको बुटवलस्थित लुम्बिनी अञ्चल अस्पतालमा र अन्यको बर्दघाटस्थित स्वास्थ्यचौकीमा उपचार भइरहेको छ । IMAGEKHA BAR
कार्तिक २२ गते, २०७१ मा प्रकाशित
