जाजरकोट, मंसिर ८ । जाजरकोटमा गत बिहीबार यात्रुबाहक बस भेरी नदीमा खस्दा बेपत्ता भएकामध्ये ७ जनाको अझै केही पत्ता लागेको छैन । जाजरकोट सुर्खेत सडकखन्डअन्तर्गत जाजरकोटको भूर गाविस वडा नम्बर ८ रावत गाँउमा भएको उक्त दुर्घटनामा परी मृत्यु हुनेको संख्या अहिलेसम्म ४७ पुगेको छ ।
नेपाली सेना र पोखराबाट गएका गोताखोरले नदीबाट ४७ जनाको शव निकालेका छन् ।
जाजरकोटका प्रमुख जिल्ला अधिकारी जगत बस्नेतले चालकसहित ७ जनाको अवस्था अझै पत्ता नलागेको जानकारी दिए ।
दुर्घटनामा परेका ११ जना पौडेर बाँच्न सफल भएका थिए । IMAGEKHABAR
मंसिर ८ गते, २०७१ मा प्रकाशित
