काठमाडौं, पौष १४ । भारतको मुम्बईबाट काठमाडौं आउँदै गरेको जेट एअरवेजको विमानमा चरा ठोक्किएपछि आगो लागेको छ ।
त्रिभुवन अन्तर्राष्ट्रिय विमानस्थलमा अवतरण गर्नेक्रममा रहेको विमान सोमबार कोटेश्वरमाथि आइपुग्दा चरा ठोक्किएको हो । बायाँ इन्जिनमा चरा ठोक्किएपछि विमानमा सामान्य आगलागी भएको थियो ।
विमान तत्काल अवतरण गरेकाले ठूलो दुर्घटना हुनबाट भने जोगिएको छ । विमानमा रहेका चालक दलका सात सदस्यसहित एक सय २५ जना यात्रु सकुशल रहेका छन् ।
विमानमा खासै ठूलो क्षति नभएकाले सामान्य मर्मतपछि आजै मुम्बई फर्कने जनाइएको छ । IMAGEKHABAR
पौष १४ गते, २०७१ मा प्रकाशित
