भैरहवा – चेलीबेटी तथा मानव बेचविखन बिरुद्ध कार्यरत संस्था केआई नेपाल रुपन्देहीले सुनौली नाका हुदै भारततर्फ लैजादै गरिएका पाँचजना नेपाली युवतीको बेलहीया सिमा क्षेत्रबाट उद्धार गरेको छ ।
ईकन्तिपुरमा समाचार छ । भारतको कलकत्तास्थित डान्सवारमा रोजगारीमा लगाईदिने प्रलोभनमा पारेर ती युवतीहरुलाई नीजि नम्बरको जीपमा राखेर सिमाना पार गराउन लागिएको थियो ।
उक्त संस्थाका अनुसार, आफ्नो घर कलकत्ता बताउदै काठमाडौंमा बस्दै आएको मनोज सेट्ठी नामको एक भारतीय नागरिकले काठमाडौंको अलग अलग स्थानबाट पाँचजना युवतीलाई प्रलोभनमा पारेर भारततर्फ लैजादै थिए ।
बेलहिया नाकामा रहेको केआई नेपालको निगरानी केन्द्रमा कार्यरत महिला कर्मचारीले उक्त जिपमा नेपाली युवती देखेपछि रोकेर सोधखोज गर्न थालेपछि यथार्थ कुरा खुल्न आएको हो । जिपमा रहेका युवतीलाई रोकेर सोधखोज गर्न थालेपछि मनोज तत्कालै फरार भएका थिए ।
उद्धार गरिएका युवतीमध्ये, २ जना चितवनका, दाङ, सिन्धुपाल्चोक र भारत सिक्किम घर भएर लामो समयदेखि काठमाडौं बस्दै आएका १-१ जना छन् ।
उनीहरुलाई मासिक ६० हजार भारु देखि १ लाख भारु सम्म तलव दिलाउने प्रलोभनमा पारेर कलकत्ता लग्न थालिएको अनुसन्धानबाट खुलेको संस्थाको निगरानी केन्द्रकी प्रमुख तारा सापकोटाले बताईन । ईकन्तिपुरमा समाचार छ ।
फाल्गुन १३ गते, २०७१ मा प्रकाशित
