धादिङ – धादिङको खाल्डे गाविसको काउलेबाट सदरमुकाम आउंदै गरेको बा१०प ६८६६ नम्वरको यात्रुबाहक जीप पल्टिंदा विद्यालय जाँदै गरेका दुई विद्यार्थीको मृत्यु भएको छ । दुर्घटनामा चालकसहित अन्य ५ जना गम्भीर घाइते छन् ।
मृत्यु हुनेमा निलकण्ठ-१सिउडीवारका १० वर्षीया अनिशा मगर र वैनी ७ वर्षीया आशिका मगर छन् । सिउडीवारकै उकालोमा व्रेक नलागे पछि जीप पल्टिएको घाइते वीरवहादुर गुरुङ्गले बताए । मृतक २ छात्रा घर नजिकैको लामा गुरु माध्यमिक विद्यालयमा पढ्न आउँदै थिए ।
घाइते १० वर्षीय विनोद मगर, ५० वर्षीया गोपी मगर र नाम खुल्न नसकेकी वालिकासहित ५ जना लाई जिल्ला अस्पताल धादिङमा प्राथमिक उपचार गरी काठमाडौं पठाइएकोछ । उनीहर जीपमा झुण्डिएर यात्रा गर्दै थिए ।
सार्वजनिक यातायात संचालन गर्न अनुमति नभएका निजी प्लेटका ३५ जीपहरु धादिङका विभिन्न गाविसहरुबाट यात्रु ओसार्ने गर्छन् । ईकन्तिपुरमा समाचार छ ।
चैत्र ८ गते, २०७१ मा प्रकाशित
