धादिङ । धादिङको जोगीमारा गाविस वडा नम्बर-९ खटौतीमा सोमबार बस र माइक्रोबस ठोक्किँदा ५ जनाको मृत्यु भएको छ ।
दुर्घटनामा ४ जना विदेशी नागरिक र माइक्रोबसका चालकको मृत्यु भएको हो ।
मृत्यु हुनेहरुमा विदेशी नागरिकहरु च्याङ बोकी, नोयो डियुक, चायोङ चो, लि सोङ योङ रहेका छन् । यस्तै, माइक्रोबसका चालक काठमाडौं गोलढुंगा ९ का २३ वर्षीय रोशन भुसालको पनि मृत्यु भएको प्रहरी नायव उपरीक्षक प्रकाश मल्लले जानकारी दिए ।
मृतक विदेशीहरु कुन देशका हुन् भन्ने खुलेको छैन । दुर्घटनामा घाइते भएका १७ जना मध्ये ७ जनाको काठमाडौँमा र १० जनाको गजुरी अस्पतालमा उपचार भइरहेको प्रहरीले जनाएको छ ।
काठमाडौँबाट कपिलवस्तु जाँदै गरेको लु१ख ९५९३ नम्बरको यात्रुबाहक बस र पोखराबाट काठमाडौँ आउँदै गरेको बा१प १०२८ नम्बरको पर्यटक माइक्रोबस ठोक्किएका हुन् । इमेजखबरमा समाचार छ ।
चैत्र १६ गते, २०७१ मा प्रकाशित
