काठमाडौ – नयाँ दिल्लीमा बुधबार राति उपचारको क्रममा निधन भएका पूर्व प्रधानमन्त्री सूर्यबहादुर थापाको पार्थिव शरीर बिहीबार साँझ काठमाडौं ल्याइएको छ ।
त्रिभुवन अन्तर्राष्ट्रिय विमानस्थलमा उनलाई श्रद्धान्जलि दिन राष्ट्रिय प्रजातन्त्र पार्टी र अन्य राजनीतिक दलका नेता, उनका आफन्तजनको भीड लागेको थियो । विमानस्थलबाट उनको शवलाई मालीगाउँस्थित निवास पुर्याइएको छ । मालिगाउँमा पनि थापाप्रति श्रद्धान्जलि व्यक्त गर्न राजनीतिज्ञ, सरकारी अधिकारी र आफन्तजनहरुको भीड लागेको थियो । भोलि अन्तिम श्रद्धान्जलिका लागि उनको शवलाई दशरथ रंगशाला र पार्टी कार्यालय चावहिलमा राखिने छ ।
भोलि नै राजकीय सम्मानका साथ उनको अन्त्येष्टि गरिने छ । सरकारले उनको निधनमा शोक व्यक्त गर्दै भोलि सार्वजनिक बिदा दिएको छ । ईकन्तिपुरमा समाचारमा छ ।
बैशाख ३ गते, २०७२ मा प्रकाशित
.jpg)
