काठमाडौं । पूर्वप्रधानमन्त्री सूर्यबहादुर थापाको राजकीय सम्मानका साथ अन्त्येष्टि गरिदैछ ।
नयाँ दिल्लीमा बुधबार राति उपचारको क्रममा निधन भएका पूर्व प्रधानमन्त्री सूर्यबहादुर थापाको पार्थिव शरीर बिहीबार साँझ काठमाडौं ल्याइएको थियो । त्रिभुवन अन्तर्राष्ट्रिय विमानस्थलमा उनलाई श्रद्धान्जलि दिन राष्ट्रिय प्रजातन्त्र पार्टी र अन्य राजनीतिक दलका नेता, उनका आफन्तजनको भीड लागेको थियो ।
विमानस्थलबाट उनको शवलाई मालीगाउँस्थित निवास पुर्याइएको थियो । मालिगाउँमा पनि थापाप्रति श्रद्धान्जलि व्यक्त गर्न राजनीतिज्ञ, सरकारी अधिकारी र आफन्तजनहरुको भीड लागेको थियो ।
आज शुक्रबार अन्तिम श्रद्धान्जलिका लागि उनको शवलाई दशरथ रंगशाला र पार्टी कार्यालय चावहिलमा राखिने छ । आज नै राजकीय सम्मानका साथ उनको अन्त्येष्टि गरिने छ ।
सरकारले उनको निधनमा शोक व्यक्त गर्दै आज शुक्रबार सार्वजनिक बिदा दिएको छ ।
बैशाख ४ गते, २०७२ मा प्रकाशित
.jpg)
