विनाशकारी भूकम्प गएको १३ दिनपछि आजसम्म पनि पराकम्पन आउने क्रम जारी छ ।
राष्ट्रिय भूकम्प मापन केन्द्रका अनुसार आज बिहान ३:४१ मा नुवाकोट केन्द्रबिन्दु बनाएर ४.२ रिक्टर स्केल र बिहान ७:५६ मा ४.० रिक्टर स्केलको अर्को भूकम्प गएको छ। पछिल्लो पराकम्पनका कारण कुनै मानवीय क्षति भने नभएको केन्द्रले जनाएको छ ।
केन्द्रका प्रमुख लोकविजय अधिकारीका अनुसार हालसम्म ४ रिक्टर स्केलमाथिका १४९ वटा पराकम्पन भएको छ। रासस
बैशाख २४ गते, २०७२ मा प्रकाशित
