प्रेमनारायण आचार्य
सन्धिखर्क, अर्घाखाँची । नेपाल रेडक्रस सोसाइटी अर्घाखाँची शाखाले भुकम्प पीडितलाई सहयोग गरेको छ ।
गत वैशाख १२ गते गएको शक्तिशाली महाभुकम्प र २९ गते मंगलवार गएको पराकम्पका कारण घरवार विहिन भएका अर्घाखाँचीको पुर्बी भेगका भगबती गाविसका १० घर, ठुलापोखरा गाविसका ६ घर, र छत्रगञ्जका ५ घर परिबारलाई त्रिपाल, खाद्यान्न, लत्ताकपडा र भाडाकुडा सहयोग गरेको हो ।
रेडक्रस सोसाइटीका जिल्ला अध्यक्ष शम्भु पोख्रेल, चन्द्रप्रसाद बन्जाडे, केलासकुमार श्रेष्ठ , ठाकुर अधिकारी लगायतको टोलीले पिडीतको घरघरमा पुगेर राहात सामाग्री प्रदान गरेको थियो ।
जेष्ठ ३ गते, २०७२ मा प्रकाशित
