अमेरिकाको टेक्सस राज्यमा परस्पर विरोधी बाईकर समुहबीच गोली हानाहान हुँदा कम्तिमा ९ जनाको ज्यान गएको छ ।
वाको शहरको अति व्यस्त बजार क्षेत्रको एउटा रेष्टुरेन्ट बाहिर बाईकर समुहबीच गोली हानाहान भएको प्रहरीले बताएको छ । घटनामा १८ जना घाईते भएका छन ।
प्रहरी प्रवक्ताका अनुसार एउटा स्पोर्ट्स बारको पार्किङ क्षेत्रको विषयमा सामान्य विवादबाट सुरु भएको झगडा गोली हानाहानसम्म पुगेको हो ।
प्रहरीले घटनामा कम्तिमा ५ वटा स्थानीय बाईकर समुह संलग्न रहेको आशंका गरेको छ ।
प्रत्यक्षदर्शीका अनुसार कम्तिमा ३० जना बाइकरहरुले सय राउण्डभन्दा बढी गोली प्रहार गरेका थिए । प्रहरीले घटनास्थलबाट दुई जनालाई गिरफ्तार गरी अनुसन्धान थालेको जनाएको छ । एजेन्सी
जेष्ठ ४ गते, २०७२ मा प्रकाशित
