प्रेमनारायण आचार्य
ठुलापोखरा, अर्घाखाँची । अर्घाखाँचीको ठुलापोखरामा ट्रयाक्टर दुर्घटना हुँदा एक जनाको ज्यान गएको छ । दुर्घटनामा अरु चार जना गम्भीर घाइते भएका छन् ।
बालुवा बोकेर अर्घाखाँचीकै खज्र्यांगबाट ठुलापोखराका लागि छुटेको लु २ त ८४४१ नम्बरको ट्रयाक्टर ठुलापोखराको मालेमा सडकबाट तल खसेर दुर्घटना भएको हो । दुर्घटनामा कपिलबस्तु गोरुसिंगेका ट्रयाक्टर चालक सेरु चैधरीको ज्यान गएको प्रहरीले जनाएको छ ।
दुर्घटनामा अर्घाखाँची ठुलापोखराका प्रेम थापा, राजु डम्बर पाल, तिरी थापा र भुपाल सोमै गम्भीर घाइते भएका छन् । घाइते चारै जनालाई ठुलापोखरा स्वास्थ्य चौकीमा सामान्य उपचारपछि थप उपचारकालागि जिल्ला अस्पताल सन्धिखर्क ल्याइएको छ ।
जेष्ठ ५ गते, २०७२ मा प्रकाशित
