पाकिस्तानको बलुचिस्तान प्रान्तमा अज्ञात बन्दुधकारी समूहले दुईवटा गुडिरहेको बसमा आक्रमण गर्दा कम्तिमा १९ जनाको मृत्यु भएको छ ।
प्रान्तीय राजधानी क्वेताबाट कराँचीका लागि शुक्रवार वेलुकी गुडेका ती वसमा चढी लडाकुहरुले यात्रुलाई बाहिर निकालेर गोली हानी हत्या गरेको बताइएको छ ।
प्रान्तीय गृहमन्त्री सरफ्राज बुग्टीका अनुसार लडाकुहरुले केही यात्रुलाई अपरहण गरेका छन् । बसमा कती यात्रु थिए र आक्रमण कसले ग-यो भन्नेबारे केही खुल्न सकेको छैन ।
बलुचीस्तान प्रान्तमा अलग्गै राज्यको माग गर्दै लामो समयदेखि पृथक्तावादीहरुले आक्रमण गर्दै आएका छन् ।
पछिल्लो आक्रमणमा उत्तरी बलुचिस्तानको रैथाने पास्तुन जातीका नागरिकलाई निशाना बनाईएको बुझिएको छ । एजेन्सी
जेष्ठ १६ गते, २०७२ मा प्रकाशित
