सितापुर, अर्घाखाँची (अर्घाखाँची डट्कम)। अर्घाखाँची जिल्लाको सितापुर गाबिस वडा नं-८ स्थित धारा टोलमा रहेको पबित्रा ईलेक्ट्रोनिक्स पसलमा आगलागी हुँदा १० लाख बराबरको क्षति भएको छ ।
(तस्बिरमा सितापुर / फाइल )
इलाका प्रहरी कार्यालय ठाडाका अनुसार आगलागीले पसलमा भएका टिभी-डिक्सहोम, मोबाईल सेट लगायत विद्युुतीय सामाग्री पुर्ण रुपमा जलेर नष्ट भएका छन् ।
व्यापारीले पसल बन्द गरी घरमा गएका बेला विद्युत चुहिएर पसलमा आगलागी भएको थियो ।
स्थानीय बासिन्दाले पसलमा लागेको आगो करिब तीन घन्टापछि नियन्त्रणमा लिएको प्रहरीले जनाएको छ ।
जेष्ठ १७ गते, २०७२ मा प्रकाशित
