धारापानी, अर्घाखाँची । अर्घाखाँची जिल्लाको धारापानी गाबिस स्थित नागरिक सचेतना केन्द्रमा आवद्ध २५ जना सदस्यहरुलाई २-२ वटा दरले बाख्रा वितरण गरिएको छ । उनिहरुको जिविकोपार्जन सुधारका लागि बाख्रा वितरण गरिएको हो ।
प्रकाश सचेतना समुहको माग अनुसार एलजीसीडीपी अन्तर्गत जिबिस अर्घाखाँचीबाट ३ लाख १५ हजार सहयोग भएको थियो । यसको सहजिकरण प्रकाश सचेतना समुहले गरेको छ ।
बाख्रा वितरण कार्यक्रममा गाबिस सचिव तुल्सी प्रकाश गिरीको अध्यक्ष, प्रकाश सचेतना समुहका सचिव प्रेम नारायण गैरेको प्रमुख प्रमुख आतिथ्यतामा गरिएको थियो। कार्यक्रम सामाजिक परिचालक हरि बहादुर के.सीको संचालन भएको थियो ।
कार्यक्रममा स्थानिय राजनितिक दलका प्रतिनिधिको समेत उपस्थिती रहेको थियो । उनीहरुले सिप विकास र क्षमता विकासको सम्बन्धमा धारणा राखेका थिए ।
आषाढ़ १९ गते, २०७२ मा प्रकाशित
