बाबु रोका मगर
अर्घाखाँची नेपाल, हाल (दिल्ली)
मेरा वीर योद्दाहरू तिमी अनेकतामा होइन एकतामा आऊ
आऊ योद्दा आऊ तिमि यो चन्द्र सुर्य झण्डा मुनि आऊ ।
तिमीलाई साँच्चै राष्ट्र प्रति माया छ भने राष्ट्रियताको गित गाउ
यदि तिमी राष्ट्रप्रेमी हौ भने जातिवाद र क्षेत्रवादको नारा नलगाउ ।
आऊ योद्दा आऊ यो रातो र निलो चन्द्र सुर्य अंकित ध्वजाको इज्जत जोगाउ
फाटेको मन टुक्रिएको तन आएर तिमि आलो घाउमा मलम लगाउ ।
नेपाल राष्ट्र कसैको निजि सम्पत्ति होइन तिम्रो हाम्रो पहिचान हो
परिआउदा नलुक्ने कसै संग नझुक्ने तिमिहामी नेपालीको सान हो ।
इतिहासमै साहसी काम बाहादुरिताको नाम कायम गर्ने हामि नेपाली नै हो
चाहे तिमी जात,पात,धर्म,राज्य छुट्याउ आखिर तिमिहामी नेपाली नै हो।
मेरा वीर योद्दाहरू तिमी अनेकतामा होइन एकतामा आऊ
आऊ योद्दा आऊ तिमि यो चन्द्र सुर्य झण्डा मुनि आऊ ।
भाद्र २४ गते, २०७२ मा प्रकाशित
