अमेरिकाको क्यालिफोर्निया राज्यको सान बर्नाडिनोमा १४ जनाको हत्या गरिएको घटनामा आतंकवादीको संलग्नता रहेको मान्दै अमेरिकी संघीय जाँच आयोग (एफबीआइ)ले छानबिन थालेको छ ।
आक्रमणमा संलग्न २७ वर्षीया तस्फिन मलिक र उनका श्रीमान् साइद रिजवान फारुक प्रहरी कारबाहीमा मारिएपनि तस्फिन आइएसमा संलग्न रहेको आशंका प्रहरीले गरेको छ ।
तस्फिनले क्यालिफोर्नियामा आक्रमण गर्नुपूर्व आफ्नो फेसबुक अकाउन्टमा आइएसप्रति आफू इमान्दार रहेको उल्लेख गरेकी थिइन् । उनले अरु नै नामबाट फेसबुक चलाउने गरेको एफबीआइले जनाएको छ ।
तस्फिनले पाकिस्तानबाट अमेरिकी भिसा पाएको र उनका बारेमा थप जानकारी जुटाउने काम भइरहेको एफबीआइले जनाएको छ ।
गत बुधबारको आक्रमणमा १४ जना मारिएका थिए भने २१ जना घाइते भएका थिए । (एजेन्सी)
मंसिर १९ गते, २०७२ मा प्रकाशित
