सन्धिखर्कको वाङ्ला । तस्बिर: अमृतबाबुबाट
सन्धिखर्क, अर्घाखाँची ( अर्घाखाँची डट्कम ) । अर्घाखाँची जिल्लाको सन्धिखर्क नगरपालिकाको डिभर्नामा ट्याक्टर दुर्घटना हुँदा एक जनाको मृत्यु भएको छ ।
सन्धिखर्क नगरपालिका – १४ डिभर्ना स्थित सडकमा लु.२ त ३८०८ नम्बरको ट्याक्टरबाट गत शुक्रबार अचानक खसेर गम्भीर घाइते भएका सोही ठाउँका ४५ वर्षीय श्यामलाल नेपालीको उपचारको लागि जिल्ला अस्पताल अर्घाखाँचीतर्फ लैजानेक्रममा बाटोमै मृत्यु भएको हो ।
दुर्घटनाको कारण अहिले सम्म खुल्न सकेको छैन । प्रहरीले ट्याक्टर र चालकलाई नियन्त्रणमा लिएको बताएको छ ।
फाल्गुन २ गते, २०७२ मा प्रकाशित
