पहिलो प्रकासित मिती: २०७२ फाल्गुन ११, मंगलवार
प्रेम आचार्य
सन्धिखर्क, अर्घाखाँची । अर्घाखाँचीको सन्धिखर्क नगरपालिका वडा नं. ३ करेवाङ्गमा एक चितुवा मृत अवस्थामा फेला परेको छ ।
अन्दाजी दुई – ढाईवर्षको पोथी चितुवा मृत अवस्थामा फेला परेको प्रहरी निरिक्षक सुरेन्द्र प्रसाद जोशीले बताए । जिल्लाका विभिन्न ठाउँ पछिल्लो समयमा मृत अवस्थामा चितुवा फेला पर्ने गरेका छन् । पछिल्लो एक महिना मै तिन ओटा चितुवा मृत भेटिएका छन् ।
मृत चितुवा पाँच फिट ११ इन्च लामो र २६ इन्च अग्लो भएको सहायक वन अधिकृत मदन ढुंगनाले जानकारी दिए । उनले पछिल्लो समयमा चितुवा मृत अवस्थामा फेला पर्ने क्रम वढेपछि अनुसन्धान थालिएको उनले बताए ।
जिल्लामा चुतुवाको आक्रमणले पछिल्लो दुइ वर्षमा करिव ६ जना बालबालिको ज्यान लिएको थियो ।
फाल्गुन १२ गते, २०७२ मा प्रकाशित
