दिपेन्द्र श्रेष्ठ
ठुलापोखरा, अर्घाखाँची (अर्घाखाँची डट्कम) । अर्घाखाँची जिल्लाको ठुलापोखरा गाविसमा मंगलवार दिउसो भएको ट्याक्टर दुर्घटनामा एक जनाको घटनास्थलमै मृत्यु भएको छ । सात जना घाईते भएका छन् ।
आज बिहान ११;३० बजे ड्राइभरले असहमति जनाउदा जनाउदै जबरजस्ती नवशिकारु साहुले नै ट्रयाक्टर लिएर अर्घाखाँचीको ठुलापोखराबाट मरेङ जाने क्रममा ठुलापोखरा वार्ड न २ धैरेनी स्थित लु ३ त३४१९ नम्बरको ट्रयाकटर दुर्घटना हुदा ट्रयाक्टर धनीको घटना स्थलमै मृत्यु भएको हो । मृत्यु हुनेमा अर्घाखाँची ठुलापोखरा वार्ड न ४ ठाटी स्थाई घर भएका करिब ४७ बर्षिय ट्रयाकटर धनि हुमलाल पाण्डेको फु्ङ्गाल्ने क्रममा ट्रयाक्टर पछिल्लो टायरमा टाउको ठोकिदा ज्यान गएको हो ।
त्यसैगरी ट्रयाकटरमा सवार रहेका प्युठान अर्खाका ट्रयाक्टर चालक जिबन पुन अनि अर्घाखाँची केरुङ्गा वार्ड न ४ का गीता खनाल,कमला खनाल ,लक्ष्मी खनाल,सिता भुसाल लगायत ७ जनालाइ उपचारको लागि सन्धिखर्क लागिएको छ।
ट्र्याकटर बाटोबाट करिब २०मिटर तल खसी स्थानीयको बारीमा गइ सामान्य अबस्थामा रोकिएको छ । मृतक गाडी धनि हुमलाल पाण्डेको शब पोस्टमार्टम को लागि अर्घाखाँची जिल्ला अस्पताल सन्धिखर्क लागिएको छ। मृतक पाण्डेको दुइ श्रीमती ,दुइ छोरा र दुइ छोरी रहेको अर्घाखाँचीको अर्घातोष प्रहरी चौकी इन्चार्ज बिश्वकर्मा प्रसाद लोहारले जानकारी दिनुभएको छ ।
तस्बिर: माधव बेल्बासेबाट
चैत्र ९ गते, २०७२ मा प्रकाशित
