सन्धिखर्क वाङ्लाको अर्लादीमा बँदेलको पासोमा परेको जिउदो बाघ मर्यो (भिडियो-तस्बिर)
चैत्र १० गते, २०७२ मा प्रकाशित
भिडियो: प्रेम खड्का, अर्घाखाँची डट्कम
सन्धिखर्क, अर्घाखाँची (अर्घाखाँची डट्कम) । अर्घाखाँची जिल्लाको सन्धिखर्क नगरपालिका – ५ स्थित वाङ्लाको अर्लादीमा बँदेलको पासोमा बाघ परेको छ । जिउदै बाघ पासोमा परेता पनि पछि मरेको छ । बाघ जिल्ला वन कार्यालय सन्धिखर्कमा ल्याएको २० मिनेटमा मरेको हो । मृत्युको कारण खुल्न सकेको छैन ।
बाघ करिब ३० किलो र लम्बाई ६७ इन्च, ढाडको मोटाइ २८ इन्च रहेको छ। पासोमा बाघ परेको स्थानीय बासिन्दाले सुरक्षाकर्मीलाई खबर गरेका थिए ।
मृत बाघ अहिले जिल्ला वन कार्यालय सन्धिखर्कमै राखिएको छ ।
चैत्र १० गते, २०७२ मा प्रकाशित
