प्रेम आचार्य
सन्धिखर्क, अर्घाखाँची । नेपाल पत्रकार महासंघ अर्घाखाँचीको आयोजना र सन्धिखर्क नगरपालिकाको सहयोगमा सञ्चालन भएको ५ दिने खोज पत्रकारिता र किशोरी पत्रकारिता तालिम आज सन्धिखर्कमा सम्पन्न भएको छ ।
तालिममा जिल्लाका बिभिन्न गाविसका झण्डै एक सय जनाको सहभागिता रहेको थियो । कार्यक्रममा मन्तब्य राख्दै प्रजिअ पौडेलले ब्यबसायीक पत्रकारिताको बिकासका लागि सफलताको शुभकामना ब्यक्त गर्नु भएको थियो ।
कार्यक्रममा स्थानीय बिकास अधिकारी लक्ष्मी पाण्डे गौतम, नेपाली काग्रेसका जिल्ला सभापति बिष्णु प्रसाद खनाल मुस्कान, एमालेका जिल्ला सचिब राम बहादुर चौहान, एमाओबादीका जिल्ला उपाध्यक्ष ठाकुर कुमार बिक, राजमोका नेता सागर केसी, नेकपा माओबादीका जिल्ला सेक्रेटरी सुमन ज्ञवाली, नँया शक्ति अभियानका जिल्ला संयोजक खिमबहादुर बिक, एमालेका जिल्ला उपसचिब प्रेमनारायण गैरे, पत्रकार सहयोगी बिसी लगायतले समापन समारोहमा मन्तब्य राखेका थिए ।
कार्यक्रम पत्रकार महासंघका अध्यक्ष सोभाखर पन्थीको अध्यक्षता, उपाध्यक्ष हिमबहादुर जिसि लेकालीको स्वागत मन्तब्य र सचिब प्रेम आचार्यको सञ्चालनमा सम्पन्न भएको थियो ।
तालिमको सहजीकरण पत्रकार प्रेम आचार्य, गणेश खनाल, बिरेन्द्र केसी, रिदय भुसाल लगायतले गरेका थिए ।
तस्बिरहरु: ठाकुर कुमार विक र सुर्य भुसालबाट
चैत्र १२ गते, २०७२ मा प्रकाशित
