इजिप्टमा अपहरणमा परेको इजिप्टएअरको फ्लाइट ‘एमएस १८१’ को एअरबस ३२० विमान दक्षिणी साइप्रसको लार्नाका विमानस्थलमा अवतरण गराइएको छ ।
विमानमा ८१ जना सवार रहेको बताइएको छ ।
आन्तरिक उडानमा रहेको उक्त विमान अलेक्जेन्ड्रियाबाट राजधानी कायरो जाँदै थियो ।
विमानमा रहेका एकजना यात्रुले विस्फोटक पदार्थ भएको पेटी लगाएको र उनले विमान साइप्रसतर्फ मोड्न भनेपछि त्यसतर्फ मोेडिएको थियो । अपहरणकारी इजिप्टसियन नागरिक भएको बताइएको छ ।
वार्ता सुरु गरिएपनि विमान आफ्नो नियन्त्रणमा रहेको दाबी गर्नेले कुनै माग नगरेको खबर छ ।
चालकदलका सदस्यसहित ४ जना विदेशी यात्रुबाहेक अरु सबै यात्रु रिहा गरिएको बीबीसीले जनाएको छ । लार्काना विमानस्थल बन्द गरिएको छ । (एजेन्सी)
चैत्र १६ गते, २०७२ मा प्रकाशित
