भियतनाममा प्रहरी प्रमुख ट्रान दाइ क्वाङले राष्ट्रपति पदको सपथ लिएका छन् ।
गत जनवरीमा सम्पन्न कम्युनिष्ट पार्टीको सम्मेलनले क्वाङलाई राष्ट्रपतिका लागि मनोनय गरेको थियो । उनले संसदमा ९१ प्रतिशतभन्दा बढी मत पाएका थिए ।
५९ वर्षीय क्वाङले सार्वजनिक सुरक्षा मन्त्रालयको जिम्मेवारी सम्हाल्दा कमजोर मानवअधिकारको रेकर्डलाई लिएर पश्चिमा मुलुकहरुले आलोचना गरेका थिए ।
क्वाङको पहिलो काम आगामी महिना अमेरिकी राष्ट्रपति बाराक ओबामालाई स्वागत् गर्नु हुने बताइएको छ ।
भियतनामको राष्ट्रियसभाले वर्तमान उपप्रधानमन्त्रीलाई प्रधानमन्त्रीमा चयन गर्दैैछ । यसअघि सभामुखमा महिला नेतृलाई चयन गरेको थियो ।
एक पार्टी व्यवस्था रहेको भियतनाममा आर्थिक सुधारलाई निरन्तरता दिने विश्वास गरिए पनि मुख्य राजनीतिक सुधारको संकेत भने नदेखिएको बताइन्छ । (एजेन्सी)
चैत्र २० गते, २०७२ मा प्रकाशित
