राजु खनाल
सन्धिखर्क, अर्घाखाँची । श्री शिबालय स्वरोजगार कृषक समूहद्वारा संचालित अर्घाखाँची जिल्लाको सन्धिखर्क नगरपालिका – ४ स्थित तिनथुप्रे खुकुरे फाँटमा स्थापित शिबालय पोल्ट्री फर्ममा अहिले ४,००० कुखुरा छन भने दैनिक ३८०० अण्डा उत्पादन हुने गरेको छ ।
समुहका अध्यक्ष गुनाखर अधिकारीले दिएको जानकारी अनुसार ६० लाख लगानी लागेको यस फर्मले मार्सिक ८० हजार भन्दा बढी नाफा दिएको छ ।
यश स्वरोजगार समूहले तरकारी र माछापालन पनि सुरु गर्दै छ भने पोल्ट्री फर्ममा अहिले ५ जनाले रोजगार पाएका छ्न भने तरकारी र माछापालन सुरु भए लगत्तै थप ६ जनालाई समेत रोजगार दिइने अध्यक्ष अधिकारी ले बताए ।