पाली, अर्घाखाँची ( अर्घाखाँचीडट्कम) । नेकपा एमालेका पुर्व नेता तथा नेकपा माओवादीका जिल्ला सचिबालय सदस्य तथा दलित संगठनका केन्द्रिय नेता एवम पाली- ४ अर्घाखाँचीका बेदलाल विक सहित ५० भन्दा बढी माओवादी कार्यकर्ता पार्टी परित्याग एमालेमा प्रवेश गरेका छन् ।
नेकपा एमाले पालीले आयोजना गरेको नव प्रवेशिलाई स्वागत कार्यक्रममा नव प्रवेशीहरुलाई नेकपा एमाले केन्द्रिय सदस्य तथा अर्घाखाँची जिल्ला इन्चार्ज नजिर मियाले फुलमाला पहिराईदिएर एमालेमा स्वागत गर्नु भएको थियो ।
स्वागत कार्यक्रममा एमाले जिल्ला कार्यबाहक अध्यक्ष जिब नारायण कोईराला, जिल्ला उपसचिव प्रेमनारायण गैरे, पुर्व राष्ट्रिय परिषद् सदस्य कुत मादिन अली, जिल्ला विभाग सद्स्य मिनराज क्षेत्री, कमिटी सद्स्य ॠषिराम खनाल र रोम बहादुर पाण्डे, ओम प्रकाश विक, गंगा खनाल लगायतले बेदलाल विकको प्रवेश सँगै अब एमाले पालीमा अझ ठुलो बलियो शक्ति निर्माण भएको भन्दै खुशी व्यक्त गरेका थिए ।
कार्यक्रम पाली गाउँ कमिटी अध्यक्ष गोपाल पन्थीको अध्यक्षता, उपाध्यक्ष कौसर अलीको स्वागत मन्त्यवमा सम्पन्न भएको थियो ।
तस्बिरहरु: प्रेमनारायण गैरेबाट
चैत्र २४ गते, २०७२ मा प्रकाशित
