पटौटीमा जलबायु परिवर्तन सम्बन्धि कार्यक्रम

पटौटी, अर्घाखाँची २४ चैत । अर्घाखाँचीको पटौटी गाविसमा जलबायु परिवर्तन अनुकुलन कृषि आयोजनाको जानकारी तथा अन्तरक्रिया गोष्ठी बुधवार सम्पन्न भएको छ । 

अनुकुलन कृषि आयोजना गाँउ देखि घर, जलबायु परिबर्तनका असर भगाऔ परपर भन्ने नाराका साथ कार्यक्रम सम्पन्न भएको हो । 

कार्यक्रममा जलबायु अनुकुलन कृषि कार्यक्रमका जिल्ला संयोजक माधब पराजुलीले कार्यक्रमको बारेमा सहजीकरण गर्नु भएको थियो ।

 कार्यक्रममा जिल्ला पशु सेवा कार्यलयका पशु चिकित्सक बिष्णु पौडेल , जिल्ला कृषि बिकास कार्यलयका बुद्धिराम भट्टराई, मणिराम पौडेल, पटौटीका पाटी प्रतिनिधिहरु नेपाली कांग्रेसका शालिकराम घिमिरे,एमालेका हरिप्रसाद घिमिरे, एमाओबादीका रामनाथ घिमिरे, एमाओबादीका यमलाल ताम्राकार , क्रान्तीकारी माओबादीका दुर्गाप्रसाद अधिकारी,  लगायतले मन्तब्य राखेका थिए । 

कार्यक्रम गाविस सचिब पशुपति खनालको अध्यक्षतामा सम्पन्न भएको थियो ।