सन्धिखर्क, अर्घाखाँचीडट्कम ( अर्घाखाँचीडट्कम) । अर्घाखाँची आवसिय उच्च माध्यमिक विद्यालयको शिक्षक तथा अभिभावक भेला अर्घाखाँची जिल्लाको सन्धिखर्क स्थित बेलबाटिकामा सम्पन्न भएको छ ।
भेला विधालय प्याव्सन संघ सदस्य कृष्ण प्रसाद खनालको अध्यक्षता सम्पन्न भएको हो । कार्यक्रमको सन्चालन सहायक प्राचार्य चोपनारायण बन्जाडे, स्वागत मन्तब्य शिक्षक मोहनराज भुसाल, विषय प्रस्तुति प्राचार्य श्रीकृष्ण भुसालले गरेका थिए ।
सभामा २०७२ को नतिजा विष्लेषण, २०७३ को कार्ययोजनामा सुझाव संकलन र २०७३ को लागी शुल्क अनुमोदन लगायतका प्रस्तावहरुको बारेमा छलफल भएको थियो ।
यस्तै भेलामा अभिभावक रामजी प्रसाद घिमिरे,सरत भुसाल, कुशल भुसाल, सुश्मा श्रेष्ठ सभाले सुझाव प्रस्तुती गरेका थिए ।
साथै सम्पन्न भेलाले २०७२ को नतिजा विस्लेशण गरि २०७३ को कर्ययोजना माथी सुझाव संकलन गर्नुका साथै २०७३ को लागी विद्यालयले लिने शुल्क प्रस्तावलाई अनुमोदन गर्दै स्विकृतिको लागी जिल्ला शिक्षा कार्यालयमा पेश गर्ने निर्णय गरेको छ ।
भेलामा ४०० जना भन्दा बढी अभिभावकहरु तथा ४४ जना शिक्षक कर्मचारी लगायतको सहभागिता थियोे ।
चैत्र ३० गते, २०७२ मा प्रकाशित
